Bomb disposal units from the Philippine National Police examine the site of an explosion that hit the Atila Pension house in Barangay Canelar, Zamboanga City late Sunday night which left two people dead and 27 injured.

Farmers light candles in front of the Supreme Court on Friday calling for continued vigilance to ensure the immediate implementation of the high court's ruling ordering the distribution of land in Hacienda Luisita to its farmer beneficiaries.

TRENDING NEWS#: 19 Mga magnanakaw may bagong modus sa ATM

Kulungan ang bagsak ni Joan Encabo matapos mabisto ang kanyang modus operandi ng pagnanakaw gamit ang mismong ATM card ng kanyang mga biktima.
Tatlo sa mga ito ang dumulog sa QCPD Station 7 nang malamang nahuli na si Encabo.
Kung susumahin, aabot sa P2 milyon ang natangay sa kanila.
Ayon sa isa sa kanyang biktima, istilo nito ang sundan ka sa ATM, at pag-alis mo sasabihin na may naiwan kang pera sa makina.
Paglalahad ng biktimang si Erika, "Sabi niya sa akin, ‘Ma’am may naiwan kayo.’ Pinakita niya sa akin ‘yung P1,000 bill."
Sa puntong iyon, yayayain ka niya pabalik sa ATM at sasabihing dapat ka mag-balance inquiry para makasiguro.
"Doon niya nakita ‘yung PIN number ko."
Paglabas ng ATM card mo, uunahan ka niya sa paghugot ng card para ibalik sa iyo, pero ang hindi mo alam, napalitan na ang iyong card.
"Hindi ko na alam kung paano niya pinagpalit ‘yung card na nasa kanya."
Nalimas ang mahigit P200,000 ni Erika dahil ilang araw na ang nakalipas bago niya nalaman na napalitan ang ATM card niya.
Ayon naman sa mga awtoridad, maaaring hindi nag-iisa si Encabo sa ganitong modus operandi.
Paliwanag ni SPO2 Rolando Cartalla, "Sindikato ‘to. Baka marami siyang pinagkukunan ng ATM [cards] na ‘to.”
Dahil malapit na ang Pasko, payo ng mga awtoridad na maging listo tuwing magwi-withdraw at huwag basta magtiwala sa mga taong gusto tayong tulungan dahil baka dalhin lang tayo sa kapahamakan

TRENDING NEWS#: 18 Kuryenteng prepaid, iaalok ng Meralco sa publiko

Gumagana ito na parang cell phone load. Ililimita ang suplay ng kuryente depende sa biniling load.
Si Eleanor, sinubukan ang load na P200.
Pagbabahagi niya, "Siyempre titipirin mo. ‘Yon lang ang load mo.”
Isa lang ang kumpanyang XESI sa mga nag-apply na sa Energy Regulatory Commission para mag-supply ng metro.
"Ang prepaid kuryente is puwede ring maging available sa mga sari-sari stores o sa mga branches ng electric cooperatives,” paliwanag ni Roland Arrogante ng XESI.
Sa sistema ng XESI, may matatanggap na warning ang consumer kapag kaunti o paubos na ang load nito.
Para ma-reload, bibili lang siya ng load para tuluy-tuloy ang suplay ng kuryente.
Sabi naman ni Frank Dianko ng XESI, “Mas madali na nilang mama-manage ‘yung kanilang mga kuryente sa paisa-isandaang tingi-tingi.”
Sa Metro Manila at mga karatig-probinsya, malapit-lapit ring subukan ang prepaid electricity.
Tinatapos lang ang pag-aaral sa tamang teknolohiya at sistema, pero batay sa survey ng Meralco, karamihan sa mga customer ay gustong subukan ang prepaid na kuryente.
Target ng Meralco na subukan ang prepaid sa susunod na taon.
Giit ni Al Panlilio ng Meralco, “We are always after what is best for the customers, and we think there is clamor for prepaid, and we are reviewing that.”
Ang good news, 'di pababayaran sa customer ang metrong pang-prepaid.
Kapag nagdesisyon ang customer na mag-prepaid, may "lock-in period" na dalawang taon na hindi siya puwedeng bumalik sa tradisyunal na sistema. Alvin Elchico, Patrol ng Pilipino

TRENDING NEWS#: 17 19 patay sa bakbakan sa Basilan

Mula kahapon, sunud-sunod ang pagdating ng mga sugatang sundalo sa Zamboanga City mula Al-Barka, Basilan.
Sa Western Mindanao Command, hindi magkamayaw ang mga medics at sundalo para tulungan ang mga sugatan.
Dumating din ang ilang nasawi.
Nagkabakbakan ang militar at diumano'y MILF sa Al-Barka, Basilan Martes ng madaling araw.
Nagpapatrol diumano ang mga sundalo sa Barangay Bakisung para tugisin ang armadong grupong sangkot sa ilang kidnapping pero bigla na lang silang pinaulanan ng bala sa area.
Sa pinakahuling tala ng militar, umabot na sa 19 ang patay at 12 ang sugatan.
Ayon sa militar, mahirap tukuyin ang bilang ng mga kalaban.
“The encounter took several hours. You cannot discount the possibility that the relatives, pinsan, apo or kapitbahay, will join the firefight,” sabi ni Lieutenant Colonel Randy Cabangbang.
Kinumpirma rin ito ng grupong NGO Bantay Basilan.
“Nakapunta sila sa isang defensive ground ng mga armed groups na sinasabi nila allegedly ay composed of ASG and MILF,” sabi ni Munib Kahal ng Bantay Basilan.
Aminado ang militar na kampo ng pinagsanib na puwersang MILF at Abu Sayyaf ang kanilang napasok.
Pinangangambahan ding may mga binihag na sundalo sa lugar.
“We have received reports that allegedly our soldiers are being held hostage within the area of temporary stay ng MILF sa Al-Barka,” sabi ni Cabangbang.
Isang Dan Laksaw Asnawi, commander ng MILF 114th base command sa Basilan, ang itinuturong lider ng grupong umatake sa mga sundalo.
Pumuga si Asnawi sa kulungan sa Basilan noong 2009 at sangkot diumano sa pamumugot ng mga sundalong marino noong 2007.
Binisita ni Philippine Army Commander Lieutenant General Arturo Ortiz ang mga sugatan pero tumanggi itong magbigay ng pahayag sa nangyari. Jewel Reyes, Patrol ng Pilipino sa Zamboanga

TRENDING NEWS#: 16 ROBINSON IMUS SHOOT OUT!

SUNOD-SUNOD ANG MGA PAMAMARIL SA LUOB NG MGA MALL KAKA TAPOS PALANG ANG "SM" SHOOT OUT NGAYON SA ROBINSON IMUS NAMAN NGAYON.

INIIMBISTIGAHAN PA NG PULISYA KUNG AKSIDENTE ITO O PANANAMBANG ABANGAN ANG BUONG KWENTO SA INYONG PABORITONG NEWS CHANNEL.

ANG KATANUNGAN KAYLAN KAYA MATATAPOS ANG MGA PAMAMARIL NA ITO?

Trending news#: 15 Mariel Rodriguez, kumportable agad sa sa show ni Willie Revillame!

VERY WARM ANG ginawang pag-welcome kay Mariel Rodriguez bilang karag-dagang co-host ni Willie Revillame sa Wil Time Bigtime last Saturday. Naging surprise call in pa si Robin Padilla na hindi inaasahan ni Mariel na pupunta roon para sa kanya.

It’s been several weeks na talagang nahirapan daw si Mariel before coming up with her final decision na lumipat sa TV5.  Maraming nangyaring pag-uusap daw sa pagitan ng actress-TV host at ng mga executives ng ABS-CBN.

May desisyon nang aalis, tapos mapipigilan. Magdi-decide ulit na aalis pero magbabago na naman ang isip kapag nakausap na ng mga big boss ng Kapamilya Network.

Ito raw nga umano ang dahilan kung bakit sa panahong napapabalitang nagbabalak na siyang lumipat o lilipat na, hindi naringgan ng kumpirmasyon o kahit anumang pahayag hinggil dito si Mariel.

Kasi nga, everday ay nagpapabagu-bago pa at hindi pa firm sa kanyang desisyon. Hanggang finally, nabuo na nga ang kanyang pasya na iwan ang Happy Yipee Yehey! at maging isa sa co hosts ng Wil Time Bigtime.

Paglilinaw naman ni Willie, hindi nila kinumbinsi si Mariel na lumipat. Hinayaan umano nila ang actress-TV host na pakinggan kung ano ang idinidikta ng puso at isipan niya at kung saan siya magiging masaya.

At kita naman kay Mariel na happy nga siya sa kanyang pagpasok sa Wil Time Bigtime. Kaagad-agad, kumportable kaagad sa tabi nina Shalani Soledad at iba pang co-hosts ng show.

With Willie, given nang at ease na siya dahil sa tagal na rin ng kanilang pinagsamahan. Parang Kuya na nga ang turing niya rito.

And with that, naniniwala ka-ming Mariel just did the right decision, kung saan magiging masaya siya at hindi niya pagsisisihan.